Трамп испрати закана до Кина: САД ќе воведат повисоки царини за кинески производи
Од Министерството за надворешни работи на Кина соопштија дека кинеските преговарачи се подготвуваат да отпатуваат во САД на следен круг трговски разговори. Претходно претседателот на САД, Доналд Трамп се пожали дека процесот трае предолго и се закани дека ќе воведе повисоки царини на милијарди долари кинески производи.
Портпаролот на Министерството за надворешни работи, Генг Шуанг пред новинарите кажа дека Кина „се обидува да добие повеќе информации“ за коментарите на Трамп во врска со новите царини.
Генг не прецизираше дали највисокиот кинески трговски преговарач, вицепремиерот Лиу Хи е меѓу оние кои ќе допатуваат во Вашингтон неделава.
Трамп во неделата на Твитер напиша дека: „Трговските преговори со Кина напредуваат пребавно, затоа што тие се обидуваат да направат ревизија на веќе договореното. Не!“
Денес Трамп повторно се пожали за трговскиот дебаланс:
„САД во период од неколку години губат од 600 до 800 милијарди долари годишно, а со Кина губиме 500 милијарди долари. Се извинувам, но тоа повеќе нема да се случува.“
Трамп рече дека ќе ги зголеми постојните царини од 10 проценти на кинески производи вредни 200 милијарди долари на 25 проценти и ќе воведе нови царини за уште 325 милијарди други производи.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка