Трамп го обвини Бајден за плагијат на неговата економска програма
Американскиот претседател Доналд Трамп денеска го обвини претседателскиот кандидат на Демократска партија, Џо Бајден за „плагијат “ на неговата економска програма.
Тој препишува од мене, но нема да му успее. Тој сака да го прави тоа, изјави денеска Трамп алудирајќи на наводни минати случаи за плагијат од страна на Бајден.
На вчерашниот предизборен митинг во Пенсилванија, Бајден објави програма „купувајте домашни производи“ за обнова на економијата настрадана од пандемијата на Ковид-19. Во програмата на Бајден е предвидено и американската влада да набави американски производи во висина од 700 милијарди долари, и најави вложување во научно-истражувачки проекти во обновливи извори на енергија.
Со програмата се предвидува создавање на пет милиони нови работни места.
Советникот на претседателот, Келијан Конвеј, пак истакна дека Бајден позајмил дел од политичката програма на „левиот“ демократски кандидат Берни Сандерс.
Бајден и Сандерс претходно потпишаа декларација за преземање на прогресивните делови од програмата на сенаторот од Вермонт, кој со Бајден се бореше за номинација, а како чекор кон обединување на демократската база во пресрет на изборите во ноември.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка