Македонија
10. December 2020 - 12:33

Тешко повреден пешак во Штип откако автомобил удрил во него

Во Штип патничко возило "опел агила" управувано од 37-годишниот И.А удрило во пешак Р.В.(62). Како што соопштуваат од МВР:

„На 09.12.2020 околу 18,30 часот во Штип на крстосница од ул.„Пиринска“ и ул.„Сутјеска“, патничко моторно возило “опел агила“ со штипски регистарски ознаки управувано од И.А.(37) од Штип удрило во пешакот Р.В.(62) од Штип.

Во незгодата, со тешки телесни повреди се здобила Р.В., на која и била укажана лекарска помош во Клиничка болница Штип.

За незгодата е известен јавен обвинител, а увид на местото на настанот извршила екипа од СВР Штип.“