Македонија
11. December 2016 - 12:19

Тешка кражба во Штип, крадци влегле во градинка

Ноќеска во 00.40 часот во Штип на ул.„Браќа Даневи“, во Јавна установа за деца „Вера Циривири Трена“, две непознати лица извршиле тешка кражба во обид.

Сторителите се протнале преку направен отвор од металната ограда, потоа со погоден предмет ја отвориле пластифицираната двокрилна врата на една од занималните на приземјето, влегле внатре, но биле забележани од полициски службеник кој бил ангажиран за обезбедување на гласачкиот материјал, по што избегале во непознат правец. 

Увид бил извршен. 

Се преземаат мерки запронаоѓање на сторителите и за целосно расчистување на случајот.