Терористите и се закануваат на Шведска: Ќе го нападнеме премиерот, Владата и Парламентот

Шведските безбедносни служби соопштиле дека добиле закани за напади врз претседателот на Владата и Парламентот, јави АП.

 

Портпаролот на Шведската служба за безбедност Фредрик Поблаги изјавил дека заканите се испратени преку е-пошта, а испратени се во понеделникот попладне, и дека досега добиле многу слични пораки.

 

Според нивните информации во пораката пишувало дека нападот ќе се изврши во вторник.

 

Заканата ја потврдил и шефот на обезбедувањето на Парламентот Леонард Густафсон, но одбил да зборува за детали.