Тарандилис: Грција како земја ги почитува договорите и меѓународните обврски
Независно од фактот што не се согласуваме со Договорот од Преспа, ние како земја ги почитуваме меѓународните обврски и договорите, рече портпаролот на грчката Влада Христос Тарандилис на денешниот редовен брифинг со новинарите кометирајќи ги вчерашните изјави на поранешниот премиер Андонис Самарас во врска со Договорот од Преспа, јави дописничката на МИА од Атина.
-Господинот Самарас е поранешен премиер и неговите позиции за прашањата од надворешната политика се веќе долго време познати, рече портпаролот на грчката Влада одговарајќи на новинарско прашање за изнесените ставови на Самарас, како за односите со Турција, така и за намерата да не гласа за меморандумите со Македонија.
Во однос на тоа кога овие меморандуми ќе бидат донесени за ратификација во Парламентот, Тарандилис рече дека станува збор за парламентарна процедура.
Паралелно, уште еднаш повтори дека иако актуелната грчка Влада не се согласува со Договорот од Преспа, ги почитува нејзините меѓународни обврски.
-Околностите со соседната земја претставуваат меѓународна обврска на нашата земја. Нашата земја ги почитува нејзините меѓународни обврски, независно од фактот што, како што имаме изјавено, не се согласуваме со Договорот од Преспа. Ние како земја ги почитуваме договорите, истакна Тарандилис.
Поранешниот грчки премиер, а сега пратеник од Нова демократија Андонис Самарас во вчерашното интервју за „Катимерини“, како што објави МИА, во однос на Договорот од Преспа рече дека „ниту проблемот се реши, ниту Грција виде нешто добро. Само неподнослива национална штета, давајќи име, идентитет и јазик“ и најави дека кога трите меморандуми со Македонија ќе дојдат за ратификација во Парламентот, тој нема да гласа за нив.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање