Балкан
3. March 2017 - 12:22

Тачи: Ако не се изгласа демаркацијата, нема визна либерализација со години, а може и децении

Косовскиот претседател Хашим Тачи смета дека Владата треба да го процесуира договорот за демаркација на границата помеу Косово и Црна Гора и Парламентот еднаш засекогаш да даде одговор за ова прашање за да не се губат години со оваа проблематика.

- Доколку не биде ратификуван договорот за демаркацијата во Парламентот на Косово, прашањето за визите нема да биде одложено за три или шест месеци, туку се плашам оти тоа ќе биде со години или децении, изјави Тачи за Тв Клан Косова.

Според него нема цврсти аргументи и факти против договорот за демаркацијата на границата со Црна Гора.

Комисијата на експерти, оценува тој, формирана специјално за демаркацијата, успешно ја заврши работата, а противењата против демаркацијата се политички.

Реакцијата на Тачи доаѓа по најавата на премиерот Иса Мустафа дека Договорот деновиве ќе биде на дневен ред на Парламентот и најавите на опозицијата дека ако тоа се случи ќе го врати солзавецот во законодавниот дом.