СЗО предупредува на најсмртоносните болести
Светската здравствена организација предупреди на незаразните болести што се причина за најмногу смртни случаи во светот и побара државите да ги засилат напорите за да постигнат цели поставени во 2015 година.
Во својата прва евалуација, СЗО нагласува дека „светот не е на патот да ги исполни целите“ на намалување на смртноста од незаразни болести до 2030 година.
– Постигнат е напредок, но многу ограничен, изјави Даглас Бечер директор на одделот за превенција на незаразни болести во СЗО. Тој додаде дека е потребна итна акција.
Незаразните болести убиваат повеќе од 40 милиони луѓе секоја година од кои 15 милиони на возраст меѓу 30 и 70 години. Повеќе од 80 отсто од тие смртни случаи се во категоријата „предвремени“.
Најголем број животи одземаат кардиоваскуларните болести – 17,7 милиони годишно, следуваат рак со 8,8 милиони, болести на дишните патишта – 3,9 милиони и дијабетес кој убива 1,6 милиони луѓе.
За да се промени ефикасноста на борбата против незаразните болести СЗО постави 19 цели меѓу кои – зголемена цена на цигарите, усвојување национални политики во поглед на конзумирање сол и промоција на доење.
Во извештајот се вели дека најмногу направиле Костарика и Иран со исполнети 15 од 19 цели. Следат Бразил, Бугарија, Турција, Британија...Ниту една цел не исполниле Ангола, Екваторијална Гвинеја, Гвинеа Бисао, Јужен Судан.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар