СЗО предупредува дека во Африка е можно од Ковид-19 да умрат 150.000 лица
Најново истражување на СЗО спроведено во Африка предупредува дека од коронавирус можат да се заразат до 231 милиони лица, пренесе „Дојче веле“.
Новото истражување на Светската здравствена организација (СЗО), што вклучува моделирање на ширењето на заразата во Африка покажа дека доколку не се преземат „итни мерки“ на „црниот континент“ може да се заразат околу 231 милиони лица, а вирусот во следната година да убие и до 150.000 лица.
Истражувањето го моделира веројатното ширење на коронавирусот во 47 африканските земји врз основа на факторите како густина на населението и воведените ограничувачки мерки.
И покрај тоа што истражувачите тврдат дека многу африкански држави брзо презеле мерки за ограничувања, слабите здравствени системи во нив можат брзо да „пукнат“.
СЗО ги повика африканските земји брзо да ги зголемат своите здравствени капацитети, особено во јавните болници.
Притисокот на Ковид-19 врз системите за здравствена заштита во овие земји се засилува и од ширењето на другите болести што веќе се раширени на континентот, како СИДА, туберкулоза, маларија и неисхранетост, се наведува во истражувањето на СЗО.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри