Студентите бараат реформи во нивното организирање
На Правниот факултет на Универзитетот „Гоце Делчев“ денеска се одржа јавна консултација за ново студентско организирање. Студентите што присуствуваа на настанот искажаа свои ставови за значењето на студентското организирање и за начинот на кој во иднина сакаат да функционираат и да бидат уредени студентските парламенти.
Според Александра Филипова од Младински образовен форум, во уредување на студентските права треба транспарентно и инклузивно да се дојде до еден модел на студентско организирање.
- Во минатите години ова беше горлива тема, младите имаа нелегитимни претставници и затворени претставнички тела, а како земја дури се доведовме во ситуација ЕБР да интеревенира, да употреби прекумерна сила на студенти. Време е преку овие јавни консултации и новиот Закон за високо образование овој проблем да се реши, а на студентите да им се овозможи вистинско учество, легитимни и транспарентни студентски претставници и одржлив модел на студентско организирање, истакна Филипова.
Деа Здравковска од Студентски пленум смета дека студентското организирање во последните години се покажало на ниско ниво поради тоа што, рече таа, корумпирани студенти го злоупотребуваат статусот на студентскиот парламент и позициите на него.
- Моделот на Студентски пленум е спротивност на тоа. Сакаме одлуките кои ќе се носат за студентите да бидат транспарентни и јавни и да се носат со мнозинство. Затоа, еден од главните проблеми кои треба да се реши е Студентскиот Парламент да биде во рамките на универзитетот, а не само како невладина организација која навлегува во автоноимјата на универзитетот, рече Здравковска.
Иван Дургутов од ЕЛСА рече дека студентското организирање треба да се реформира.
- Посточекиот закон и неговите бројни измени доведоа до тоа да имаме нефункционални претставнички тела кои за многу студенти не се ни познати. Па така, ваквите отворени консултации со присуство на лично засегнатите – студентите се одлична можност да се создаде нов текст кој ќе биде во согласност со потребите и барањата на студентите, рече Дургутов.
Покрај во Штип, јавни консултации во однос на студентското организирање овој и наредниот месец се планирани и во Битола, Тетово и Скопје. По завршување на консултациите ќе се изработи финален документ со сите препораки произлезени од настаните.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово