Страшно насилство во Хонг Конг: Демонстраните уништија железничка станица па упаднаа во трговски центар
Полицијата во Хонг Конг употреби солзавец во областа Ша Тин за да ги растера демонстрантите кои упаднаа во трговски центар.
Претходно истите демонстранти ја демолираа блиската железничка станица која е затворена.
Хонгконшката полиција претходно денеска зазеде позиции на главната железничка станица на пат кон аеродромот, за да ги спречи антивладините демонстранти повторно да го загрозат внатрешниот сообраќај, после дивеењето на улиците на оваа кинеска територија во текот на изминатата ноќ.
Демонстрантите веќе го вандализираа аеродромот кога ја блокираа салата за пристигнување, ходниците, а палеа и огнови на улиците на блискиот град Тунг Чунг и ја искршија тамошната станица на метрото. Вчера го запалија кинеското знаме, а полицијата употреби солзавец за да ги растера.
Полицијата соопшти дека некои демонстранти фрлале врз силите на редот Молотови коктели во текот на маршот во Тиен Мун, дистрикт во северозападот на градот.
Протестот бил релативно мал во однос на претходните домонстрации кои се одржуваат секој викенд од месец јуни.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење