Стоев: Софија очекува јасни гаранции од Скопје за правата на граѓаните со бугарски идентитет
Софија очекува јасни гаранции од Скопје по однос на правата на граѓаните со бугарска национално чувство и исполнувањето на Договорот за пријателство од 2017 година, истакна шефот на бугарската дипломатија Светлан Стоев на билатерални средби со еврокомесарот за соседство и проширување Оливер Вархеји и со шпанскиот министер за надворешни работи, ЕУ и соработка Хозе Мануел Албарез Буено.
Како што јави БГНЕС, средбите, на кои станало збор за перспективите за почеток на преговори на Северна Македонија за членство во ЕУ, се одржале во Барселона во рамките на Шестиот регионален форум на Унијата за Медитеранот и министерскиот состанок на ЕУ и земјите партнери од јужното соседство.
– Бугарската страна ги истакна своите проактивни напори во последните месеци за решавање на отворените прашања со Скопје, со цел да се гарантираат правата на граѓаните со бугарски идентитет и спроведувањето на Договорот за пријателство, добрососедство и соработка од 2017 година. Очекуваме јасни гаранции од Република Северна Македонија за ова, соопшти бугарското МНР.
Стоев денеска и утре престојува во Рига каде учествува на состанокот на министрите за надворешни работи на земјите членки на НАТО, на кој учествува и шефот на дипломатијата Бујар Османи.
Во рамки на министерскиот состанок на НАТО, како што соопшти бугарското МНР, ќе се одржи и средба со високиот претставник на ЕУ за надворешна политика и безбедност Жосеп Борел и партнерите Шведска и Финска за актуелните случувања на Западен Балкан.
Ново на Сител
-
Визијата и успехот на Рагуза Група | Перица Голомеиќ | Бизнис приказни | Sitel Podcast 018
-
Папата одржа богослужба за Велики петок
-
Расте бројот на жртви во циклонот во Мадагаскар
-
Таткото на исчезнатото девојче од околината на Бор го помина полиграфскиот тест
-
Набавката на хеликоптери од компанијата „Леонардо“ ќе чини 249,9 милиони евра, информира Петровска
-
Уапсен е полицаец осомничен дека открил детали од истрагата за исчезнатото девојче од околината на Бор
-
Србин претепал скопјанец по недоразбирање во сообраќајот
-
Бајден: Постојано работиме да издејствуваме ослободување на Гершкович