Живот
15. December 2015 - 10:26

Стартуваше новата серија на Ева Лонгорија - „Теленовела“

„Очајната домаќинка“ Ева Лонгорија се врати на малите екрани.

По завршувањето на „Очајни домаќинки“, Ева се посвети на продукција и го „исфрли“ успешниот серијал „Итри помошнички“. Но, сега таа промовираше нова серија каде е продуцент и ја толкува главна актерка.

Првата епизода од новата серијата „Теленовела“ на Лонгорија во неделата беше премиерно емитувана во САД,

Во неа Ева ја игра Ана Софија, ѕвезда на мексиканска ТВ „сапуница“, која воопшто не зборува шпански. Таа не разбира што зборуваат нејзините соработници на сетот, а вистинските сплетки почнуваат кога на снимањето доаѓа нејзиниот поранешен сопруг, со кого таа имала непријатно минато.

Ана Софија ја мачат и холивудските предрасуди затоа што актерка постара од 35 години може да игра само мајка, па во првата епизода таа доживува нервен слом, што го забележуваат голем број нејзини обожаватели кои дошле да ја видат нивната омилена ѕвезда.

Гламур, драма и многу смеа е она што ќе понуди оваа серија со печатот на Лонгорија.