Македонија
18. February 2016 - 15:04

Средба на Спасовски со полскиот амбасадор Јацек Мултановски

Министерот за внатрешни работи Оливер Спасовски денеска се сретна со амбасадорот на Полска во Република Македонија Јацек Мултановски, при што била истакната добрата соработка помеѓу двете земји, особено помеѓу министерствата за внатрешни работи, соопшти МВР.

- На средбата беше разговарано и  за миграциската криза, како и за начините како да се надмине овој проблем, се наведува во соопштението.

Двајцата соговорници размениле мислења и за политичката криза во Република Македонија, при што Амбасадорот ја истакнал поддршката што Република Полска и ја дава на Република Македонија за решавање на проблемот.