Србите кои се вакцинирани, од 1 мај ќе можат непречено да влезат во Грција
Меморандумот за разбирање во услови на пандемија, кој го усогласија министрите за туризам на Србија и на Грција, Татјана Матиќ и Харис Теокарис, им овозможува на вакцинираните граѓани на двете земји да влезат во другата земја. Оние што не се вакцинирани ќе мора да поминат низ „двостепена контрола“, јави дописникот на МИА од Белград.
Овој режим ќе важи од 1 мај до 1 октомври, а меморандумот беше договорен на онлајн состанок меѓу министерката за трговија, туризам и телекомуникации, Татјана Матиќ и министерот за туризам на Грција, Харис Теокарис.
Министерката Матиќ соопшти дека е договорено Меморандумот да предвиди заемно признавање на електронските сертификати за вакцинација.
– Исто така, на границата ќе се прават и случајни брзи тестови , кажа Матиќ.
Таа, исто така, наведе дека граѓаните кои досега не биле во можност да направат заменски патувања за Грција, а кои имаат склучено договори со туристичките агенции, тоа ќе можат да го сторат до 31 декември годинава.
– Отворањето на грчката граница за нашите граѓани во текот на летната сезона ќе биде симболична слика за целосно нормализирање на нашите животи и уште една потврда за длабокото и вистинско пријателство и вонредните билатерални односи меѓу Србија и Грција, изјави Матиќ, додавајќи дека оваа година ќе можат да патуваат во Грција и српските граѓани кои не се вакцинирани против коронавирус, при што ќе мора да поминат „двостепена контрола“.
– Првиот вид на контрола што грчката страна ќе го побара е поседување веројатно на антиген тестови, значи не исклучиво на ПЦР-тестови, а вториот вид на контрола што тие ќе го спроведат на нивната граница се брзите тестови, кажа Матиќ.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово