Србија на 11 декември отвора нови поглавја од преговорите со ЕУ
На Меѓувладината конференција, што ќе се одржи на 11 декември во Брисел, Србија ќе отвори нови поглавја во преговорите за членство во ЕУ.
Дипломатски извори од Брисел за Танјуг изјавија дека се уште се чека на согласноста на сите 28 земји членки на ЕУ, кои ќе одлучат дали ќе се отворат две или три нови поглавја во пристапните преговори со Србија.
Иако сите три поглавја - 6, 30 и 33, за кои во моментов се дискутира во работните тела на ЕУ, веќе добија „зелено светло“ од повеќе од 20 членки, до овој момент не е познато дали сите три поглавја ќе ја добијат потребната согласност од сите 28 земји на Унијата.
Според дипломатски извори во Брисел, земјите членки на ЕУ во моментов го разгледуваат Извештајот поднесен од Европската комисија во врска со исполнувањето на Акцискиот план на Србија за поглавјата 23 и 24.
Неофицијално, извори од Европскиот совет велат дека постојат најмалку две земји членки кои не се задоволни од напредокот на Србија во исполнувањето на обврските во владеењето на правото.
- Од нивната политичка проценка, дали Србија направила доволно во таа област ќе зависи и одлуката дали во декември ќе се отворат две или три нови поглавја со Србија, изјави за Танјуг неименуван извор близок до работните тела на Европскиот совет.
Досега Србија отвори 10 поглавја во преговорите за членство во ЕУ, од кои две се привремено затворени. Во преговорите за пристапување на Србија со ЕУ има вкупно 35 поглавја
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка