Спречен обид за нелегално внесување девизи
Царинските службеници од граничниот премин Блаце спречија обид за нелегално внесување на 34 илјади евра во државата.
Како што информираат од Царинската управа, синоќа околу полноќ, за влез во државата се пријави автомобил марка фолксваген пасат со српски регистарски таблички, управуван од српски државјанин, придружуван од уште еден српски државјанин. На прашање на царинските службеници дали имаат нешто да пријават за царинска контрола, двајцата одговориле негативно.
- Поради сомневање во изјавата, лицата и возилото беа селектирани за детална контрола. При контрола на возилото, во касетата пред совозачкото седиште се пронајдени 34.000 евра, а по извршениот личен претрес, кај двајцата патници се пронајдени по 10.000 евра или вкупно 54.000 евра, соопшти Царинската управа.
За време на службениот разговор, се нагласува во соопштението, прекршителите изјавиле дека парите му припаѓаат на сопатникот и дека имале намера со нив да платат авио - транспортни услуги во Скопје.
Согласно Законот за девизно работење, по 10 илјади евра, износ кои може слободно да се внесат во државата им се вратени на прекршителите, додека остатокот од 34.000 евра е привремено задржан, а против нив е поведена и прекршочна постапка.
Ново на Сител
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје
-
Затруен од наркотици пронајден во бессознание во двор во Кавадарци
-
Затруен од наркотици пронајден во бессознание во двор во Кавадарци
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители