Спасовски: Едно лице го извршило убиството на Јанушев - се проверува агенција за обезбедување
Едно лице пукало во 28 годишниот Јанушев и тоа и е познато на полицијата. Министерот за внатрешни работи, Оливер Спасовски вели дека по него интензивно се трага и дека и покрај шпекулациите дека побегнал во Србија, осомничениот за убиството според МВР најверојатно се уште се крие во Македонија.
Тој истакна дека според првичните сознанија, убиениот и убиецот имале лични недоразбирања.
-Во СВР Скопје е формиран посебен штаб кој работи на расветлување на настанот. Имаме голем напредок и работиме заедно и по налог на јавното обвинителство. Обезбедени се сведоци и распрашани се многу луѓе. Исто така обезбедени се снимки од околните објекти. Се работи за едно лице кое го извршило убиството. Првичните сознанија се дека имале лично недоразбирање, рече министерот Спасовски.
Спасовски вели дека во интерес на истрагата нема да открива повеќе детали и одби да одговори дали зад убиството стоел нарачател. Тој потврди дека полицијата ја проверува и работата на одредена агенција за обезбедување која според одредени информации можно е да е поврзана со убиството
-Се прават проверки и на агенцијата за да се види дали има поврзаност со убиството, истакна Спасовски, кој додаде дека се вршат сериозни проверки на сите агенции за обезбедување.
Тој додаде дека од јули до сега се извршени 12 убиства, од кои само две не се расчистени.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација