Спасени над 1.700 мигранти во близина на либискиот брег
Над 1.700 мигранти денеска се спасени во близина на брегот на Либија, пренесоа светските агенции, повикувајќи се на италијанската крајбрежна стража.
Со тоа вкупниот број на луѓе кои само неделава се спасени во Средоземно Море надмина 14.000, забележуваат француските медиуми. Само во понеделникот беше постигнат рекорд, со спасени 6.500 мигранти западнати во опасност.
Британските медиуми посочуваат дека и натаму се засилува напливот на мигранти кон јужното крајбрежје на Европа.
Италијанската крајбрежна стража и военопоморски сили заедно со европската мисија во Средоземно Море, две хуманитарни организации и трговските бродови, вчера, крај либискиот брег спасиле вкупно 1.725 мигранти. Луѓето биле пронајдени во две бродчиња и 14 чамци на дување.
Италија се претвори во главната дестинација за бродовите и чамците со мигранти од северна Африка за Европа, откако ЕУ во март со Турција ја склучи спогодбата за ограничување на дотокот на мигранти кон Грција, забележуваат британските медиуми.
Од почетокот на годината до 26 август во Италија пристигнале около 105. 000 лица, покажуваат податоците на Меѓународната организација за миграција.
Ново на Сител
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија