Сообраќајот на патот Прилеп-Кавадарци после Плетвар со повремени прекини поради силен ветер и снег
На патниот правец Прилеп – Кавадарци после планинскиот превој Плетвар од селото Беловодица до селото Тројаци во должина од четири километри сообраќајот се одвива со повремени прекини поради силен ветер и поголеми наноси од снег на коловозот, соопшти Автомото сојузот.
Екипите на ЈП Македонијапат, како што информираат, работат на расчистување на коловозот и нормализирање на сообраќајот.
Сообраќајот за тешките товарни возила на патниот правец Кавадарци – Прилеп преку планинскиот превој Плетвар од 11 часот се одвива со пропуштање на тешките товарни возила со пауза од 10 до 15 минути. За останатите видови на возила сообраќајот се одвива нормално во зимски услови. На патниот правец Прилеп – Кавадарци преку планинскиот превој Плетвар задолжителна е употреба на зимска опрема за тешките товарни возила, додека за останатите видови на возила сообраќајот се одвива нормално во зимски услови.
Од ЈП Македонијапат информираат дека од 18 часот на патниот правец Делчево – ГП Делчево се укинува задолжителната употреба на зимска опрема за тешките товарни возила.
Сообраќајот на патишта се одвива по влажни коловози, наместа со остатоци од кашест снег. Врнежи од слаб снег се бележат во Делчево, но во моментов не претставуваат пречка за одвивање на сообраќајот.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Потсетуваат дека од 15 ноември почна законската обврска за задолжително поседување на зимска опрема во возилата, што ќе трае до 15 март.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово