Македонија
17. May 2017 - 11:53

Сончево и потопло до сабота, од недела нови промени со времето

Сончево време со мала до умерена облачност и пораст на дневната температура се очекува од утре до сабота во земјава.

Како што најавуваат од УХМР во сабота кон крајот на денот ќе има услови за локализирана појава на нестабилност, а нов влажен бран со врнежи од дожд и појава на грмежи се очекува в недела, кога ќе дува повремено засилен северозападен ветер, што ќе услови повторно намалување на дневната температура.

Дневната температура утре ќе се движи од 16 до 26 степени, во петок од 22 до 28 и во сабота од 23 до 30 степени. Во недела дневната температура ќе биде од 17 до 24 степени, во понеделник од 18 до 25 и во вторник од 20 до 27 степени.