Собири во Берлин во помен на жртвите на терористичкиот напад
Жители на Берлин денеска се собраа на местото каде пред два дена се случи терористичкиот напад, со цел да испратат пораки на солидарност до семејствата на загинатите и повредените и да порачаат дека тероризмот нема да ги подели германските граѓани.
Како што јави дописникот на МИА од Берлин, дел од насобраните граѓани носеа транспаренти со пораката „Нема да не поделите“ и ја пееја песната „Ние сме светот“ (We are the World).
Во исто време, германската екстремно десничарска партија Алтернатива за Германија (АФД) повика на панихида за жртвите на терористичкиот напад пред кабинетот на германската канцеларка Ангела Меркел во Берлин, обвинувајќи ја дека таа е одговорна „за смртта на 48 луѓе“.
Водечки членови на партијата на социјалните мрежи порачаа „Доста е доста, покажаете ги своите лица во Берлин“ и повикаа на масовно присуство со кое треба да се осуди политиката на Меркел кон бегалците.
Дел од германската јавност остро ја осуди АФД за злоупотреба на нападот во Берлин за политички цели, бидејќи уште пред да бидат познати какви било детали за напаѓачот, партијата терористичкиот напад го поврза со политиката на отворени врати за бегалците од страна на канцеларката.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење