Словачкиот министер за надворешни и европски прашања Корчок во посета на Македонија
Државниот секретар и вршител на должноста министер за надворешни и европски работи на Република Словачка Иван Корчок денеска и утре ќе биде во работна посета на Република Македонија.
На средбата со македонскиот домаќин, министерот за надворешни работи, Никола Димитров, како што соопшти МНР, се очекува да бидат разгледани севкупните билатерални односи, евро-атлантската интеграција на Република Македонија, внатрешно-политичката состојба во нашата земја и односите со соседите. Ќе бидат разменети и мислења за актуелните регионални и меѓународни прашања.
За време на посетата предвидено е официјално отпочнување на проектот „National Convent for European Union in the Republic of Macedonia“, кој ќе се реализира со финансиска поддршка од SlovаkAid и USAID. Реализацијата на овој проект претставува дополнителна потврда на поддршката на Словачка на македонскиот евро-интеграциски процес.
Гостинот од Словачка ќе се сретне и со заменик претседателот на Владата на Република Македонија задолжен за европски прашања, Бујар Османи, а ќе биде примен и од претседателот на Собранието на Република Македонија, Талат Џафери и претседателот на Владата на Република Македонија, Зоран Заев.
Ново на Сител
-
НАТО ја гради најголемата воена база во Европа на Балканот
-
Нови цени на горивата од полноќ
-
Уште два нови случаи на пертусис во Куманово
-
Израелската армија повторно нападна цели на Хезболах во Либан
-
Бербок: Изборите во Русија не беа вистински избори
-
Марихуана, таблети и телефон пронајдени при претрес битолскиот затвор
-
Последната седница на овој парламентарен состав ќе се одржи до крајот на месецов
-
Порака од Свештената бигорска Обител до верниците по повод почетокот на велигденските пости