Балкан
11. September 2019 - 13:52

Слаб земјотрес во околината на Атина

Земјотрес со јачина од 3,8 степени според Рихтер денеска ја зафати Атина. Институтот за геодинамика на атинската опсерваторија соопшти дека земјотресот е почувствуван во поширокиот регион на Атина.

Епицентарот е регистриран во морето, на 30 километри североисточно од Атина на длабочина од 15 километри.

Засега нема податоци за евентуални штети или повредени.