Скопска Апелација го врати „Змиско око 2“ на повторно судење во Основниот суд
Апелацискиот суд Скопје до Основниот суд Скопје 1 – Скопје доставил пресуда, со која по втор пат ја укина пресудата на Кривичниот суд од 16.01.2015 година за предметот во јавноста познат како „Змиско око 2“, и предметот го врати на повторно судење во Основниот суд.
- Постапувајќи по жалбите поднесени од 53 обвинети изјавени лично или преку нивните бранители, како и жалба поднесена од Основното јавно обвинителство за гонење организиран криминал и корупција против првостепената пресуда, второстепениот суд ги уважил жалбите на обвинетите и делумно ја уважил жалбата на обвинителството, стои во соопштението од Кривичниот суд.
Апелацискиот суд постапувајќи по изјавените жалби одржал јавна седница на 19.02.2016 и 22.02.2016 година по која, како што се наведува во соопштението, утврдил дека во првостепената пресуда нецелосно е утврдена фактичката сосотојба односно дека обжалената пресуда во осудителниот и ослободителниот дел од став I, точка 1 и став III содржат недостатоци поради кои неможе во целост да се провери нејзината правилност, а изреката на пресудата е недоволно јасна, заради што Апелацискот суд ги уважил жалбите и предметот го врати на повторно судење со напатствија да се отстрани недостатоците.
Во однос на жалбата на Обвинителството за осудителниот дел од став I на пресудата Апелацискиот суд сметал дека таа е беспредметна, се додава во соопштението од Основен суд Скопје 1 – Скопје.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање