Сириската армија зазеде стратешка планина во северозападниот дел на земјата

Сириските државни медиуми јавија дека владините сили денеска ја зазеле стратешката планина Ноуба во покраината Латакија.

Сириската државна телевизија повикувајќи се на неименуван воен претставник јави дека војниците и провладините милиции ја зазеле планината Ноуба.

Сириската армија е во офанзива во различни делови на земјата под заштита на руските воздушнио напади, кои почнаа на 20 септември.

Сириската опсерваторија за човекови права. со седиште во Лондон, наведе дека со освојувањето на планината Ноуба се отвора пат владините сили да се приближат до бунтовничкото упориште Салма.

Опсерваторијата наведе дека владините сили имале поддршка од либанската група Хезболах.