Силен земјотрес ги потресе Алеутските острови во Алјаска

Земјотрес со интензитет од 6,9 степени според Рихтерова скала ги потресе Алеутските острови во американската држава Алјаска, соопшти американскиот Геофизички институт.

Епицентарот на потресот се наоѓал на 100 километри југозападно од селото Николски.

Засега нема податоци за евентуални жртви и причинета материјална штета, ниту опасност од појава на цунами, соопшти Тихоокеанскиот центар за рано предупредување за цунами.