Сигурдсон ќе го облече дресот на Евертон

Англискиот фудбалски клуб Евертон успешно ги заврши преговорите со Свонси за трансферот на исландскиот играч Гилфи Сигурдсон кој за сума од 50 милиони евра ќе се пресели на „Гудисон Парк“.

 

На овој начин Сигурдсон станува најскапо платениот играч во историјата на Евертон.

 

Англиските медиуми објавија дека трансферот е готов и се чека само негово официјализирање.

 

Сигурдсон беше најголема желба на менаџерот на Евертон, Роналд Куман кој верува дека со Исланѓанецот во составот и со претходните засилувања неговиот тим ќе биде конкурентен за висок пласман во новата сезона на Премиер лигата.