Швајцарска помош за справување со ризици од поплави
Швајцарски експерти за справување со ризици од поплави ќе и помогнат на Македонија да изгради стратегија и да изнајде најсоодветни мерки за справување со поплавите и ризиците од катастрофи.
На работилницата што се одржа во рамки на проектот „Подобрување на отпорноста кон поплави во Полошкиот регион“, кој се спроведува од страна на Програмата за развој на ОН (УНДП) и е финансиран од Швајцарската агенција за развој и соработка (СДЦ) и Швајцарскиот секретаријат за економски прашања (СЕЦО), експертите ги презентираа најновите меѓународни случувања и современи пристапи за намалување на ризикот од катастрофи.
Целта на проектот е да се направи суштинска промена во начинот на справување со ризикот од поплавите во Полошко, кој се смета за најранлив во однос на ова прашање. Само во 2015 и 2016 година во регионот се случија неколку поплави од кои една со катастрофални последици која однесе човечки животи и направи голема материјална штета.
Според швајцарскиот експерт за управување со кризи и намалување на ризици од катастрофи, универзитетскиот професор Маркус Цимерман, во текот на реализацијата на проектот што ќе трае четири години, треба да се подобри подготвеноста и да се зајакнат капацитетите на институциите за заштита од поплави. Предвидено е градење стратегиски важна инфраструктура, воспоставување системи за навремено предупредување и алармирање, како и одржлив урбанистички и економски развој во општините од овој регион.
На работилницата беа презентирани и наодите од истражувањето и оценувањето на Планот за управување со ризикот од поплави во регионот. Овие податоци ќе им овозможат на експертите и проектните партнери да предложат конкретни мерки за намалување на ризикот од поплави.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.