Штипското Инфективно одделение преполно со пациенти, стапува во сила планот Б
Штипското Инфективно одделение во попладневните часови ќе го заземе и просторот на Одделението за неврологија, од причини што и дополнителните болнички кревети се пополнети.
Дијана Шиишкова од Инфективното одделение за МИА вели дека на одделението имаат 42 пациенти, од кои двајца се пуштаат на домашно лекување. Таа информира дека раководството на болницата ја донело оваа одлука, со што во сила стапува планот Б. Пациентите од Неврологија и целиот медицински персонал заминува на одделот за Урологија, со што се ослободуваат дополнителни 15 болнички кревети.
-Нема да има проблем во функционирањето на одделението, бидејќи зградата е поврзана целина и до пред неколку години беше составен дел од Инфективното одделение, кога тука поради лошите услови беше преселено одделението за неврологија, вели Шишкова.
Таа истакна дека на помош ќе им дојдат и медицински сестри, но и лекари интернисти, кардиолози и анестезиолози од одделенијата во штипската Клиничка болница, со оглед на поголемиот број на пациенти, на кои им треба болничко лекување.
Состојбата на пациентите кои се лекуваат на Инфективното одделение е променлива, имаат и со средна, но и со тешка клиничка слика. Околу осум пациенти се на повремена кислородна поддршка.
Градоначалникот на Општина Штип, Благој Бочварски вели дека Општинскиот кризен штаб ја следи состојбата со новите случаи на заразени со коронавирусот.
-Ја следиме состојбата. Во моментот имаме појава на поединечни случаи во неколку државни и општински институции, но тоа се контакти од веќе постојните кластери и нема појава на поголеми групи на заболени од вирусoт, вели Бочварски.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ