Штипскиот Музеј потпиша договор за соработка со Меѓународниот Славјански универзитет „Гаврило Романович“-Державин“
Директорот на Заводот за заштита на спомениците на културата и Музеј на град Штип, Зоран Читкушев и ректорот на Меѓународниот Славјански универзитет „Гаврило Романович“-Державин“ - Свети Николе и Битола, Душан Николовски денеска потпишаа Договор за соработка со цел студентите, но и двете институции да разменуваат искуства во делот на истражувањата и да реализираа заеднички проекти.
-Посебно ме радува што ќе оствариме соработка во повеќе нивоа, со поголем квалитет и во делот на етнологијата, значи проучувањата на нашите традиции и нашата култура, но и во делот на правните науки, каде што ќе опфатиме дел од истражувањата, кои што се однесуваат за правните аспекти на заштитата на културното наследство и примената не само во Македонија, бидејќи Славјанскиот универзитет е меѓународен и во земјите каде што постои овој универзитет, вели Читкушев.
Ректорот на Меѓународниот Славјански универзитет „Гаврило Романович“-Державин“, Николовски забележа дека потпишувањето на договорот за соработка е од исклучително значење за двете институции, а со него ќе биде опфатена и соработка со партнерскиот универзитет од Тамбов во Русија.
Претставници од овој руски универзитет веќе го посетиле штипскиот Музеј, а биле заинтересирани за истражување на обичајот Ч’ трсе, кој е на листата на УНЕСКО, а исто така заедно со вработените од Музејот сакаат да ги истражуваат и обичаите на местото Говедаров камен во Свети Николе.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.