Штип набавува 5 електрични автобуси

После два пропаднати тендери за јавен градски превоз во општина Штип, локалната самоуправа ја презема одговорноста. Приватните автопревозници не пројавија интерес, со што овој горлив децениски проблем за жителите на приградските населби, ќе се решава со отворање на посебно претпријатие во склоп на ЈП „Стипион“.

• Ќе започнеме постапка за набавка на 5 нови автобуси, кои за почеток ќе бидат рентани и отплаќани на месечно ниво, се со цел истите да бидат во сопственост на општина Штип и преку нив да се врши јавниот градски превоз. Пет линии ни се потребни за да функциионира- изјави Иван Јорданов, градоначалник на Штип.

Автобусите ќе бидат на електричен погон, што значи минимални средства за одржување, но и зачувување на животната средина. Ќе се работи и на модернизација на паркинг услугите во централното градско подрајче, како и на дигитализација на општинските услуги.