Свет
13. September 2015 - 8:43

Шкотските националисти ќе предложат нов референдум за независност

Шкотските националисти ќе предложат одржување нов референдум за независност на Шкотска, пренесоа француските медиуми. 

Премиерката на Шкотска, Никол Стуржон вчера изјави дека нејзината пронезависна Шкотска национална партија предлогот за референдум ќе го вклучи во својата програма за изборите за регионален Парламент во 2016 година. Програмата ќе биде претставена на годишната партиска конференција, што ќе се одржи веќе следниот месец.

Стуржон посајни дека новиот референдум за независност од Обединетото кралство може да се одржи по пет до десет години.

На референдумот за самоопределување од минатата година 55,3 отсто од Шкотланѓаните гласаа за останување во кралството, а 45 отсто за независност.

Според истражувањата на институтот Ипсос за шкотската телевизија, доколку новиот референдум би се одржал денеска 55 отсто од избирачите во Шкотска би гласале за независност.