Македонија
3. September 2020 - 20:26

Шилегов за Сител: Сите средни училишта имаат услови за комбинирана настава

Скопскиот градоначалник, Петре Шилегов на гостувањето во Дневникот на Сител рече дека повеќето од децата се за физичко присуство за одржување на наставата. Информираше дека утре ќе се одржи состанок на кој ќе бидат присутни сите градоначалници и министерката за образование, Мила Царовска и ќе се зборува за сите варијанти за почетокот на школската година во однос на епидемиолошката состојба.

"Во Скопје  за сите 23 средни училишта ќе се погрижиме до 1-ви октомври да имаат услови за спроведување настава. Во понеделник имам закажано состанок со директорите на сите средни училишта и ќе се обидеме да го изнајдеме оптималното решение", рече Шилегов во гостувањето.