Шестмина загинати во сообраќајна несреќа во Полска со украински автобус
Шест лица загинаа, а 34 се повредени во сообраќајна несреќа што синоќа се случи во југоисточна Полска, кога украински автобус слета во канал, соопштија спасувачите од полската државна противпожарна бригада.
Автобусот со украински регистарски таблички, со 57 патници и двајца возачи, околу полноќ, удрил во банкината на патот во близина на градот Пржемил, во југоисточна Полска, паднал во канал и се превртел.
Пет лица загинале на лице место, а шестото починало во текот на ноќта во болницата во Пржемил.
-Вкупно 34 лица се наоѓаат во болница, додека 18 на кои не им требаше болничко сместување се евакуирани во блиското училиште. Истрагата е завршена, но истрагата за причината на несреќата ќе потрае уште неколку часа, изјавија од локалната противпожарна единица за полското радио.
Според првичните информации, автобусот превезувал патници од Познањ, град на западот од Полска, за Украина.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари