Шекеринска: Убедена сум дека гласот против блокади се повеќе ќе расте
Со добри резултати убедена сум дека ќе ги демантираме и најголемите скептици. Убедена сум дека гласот против блокирање од било кого се повеќе ќе расте. Видовте дека последните денови по одлуката на Бугарија посилна е критиката што доаѓа од другите европски градови отколку разочарувањето и критиката кои оправдано доаѓаат од кај нас.
Ова го изјави денеска министерката за одбрана Радмила Шекеринска, по средбата со професорот од Технолошко-металуршкиот факултет од Скопје Игор Јорданов за проектот за иновативен високо-технолошки текстилен материјал за војничка униформа, наменет за припадниците на Армијата и за земјите-членки на Алијансата, поддржан од Програмата на НАТО – „Наука за мир и безбедност“.
– Кога работите зависат од нас, јас сум секогаш оптимист затоа што кога ќе го дадеш максимумот резултатите ќе дојдат. Тој тип оптимизам секогаш сме го имале во Владата, во МО или во академската заедница. Меѓутоа прашањето во билатералните спорови не е само што можете вие да направите, прашањето е што ќе направи и втората страна, и не можете вашиот оптимизам да го искористите за да ја сработите нивната задача, рече Шекеринска одговарајќу на новинарско прашање во врска со последната блокада од Бугарија.
Според неа, попаметниот пристап е да кажеме дека зад нас е голем успех, станавме членка на НАТО, затоа што, подвлече, носевме паметни одлуки.
– Ќе продолжиме да носиме паметни одлуки и да водиме вистински политики не само за да и покажеме на ЕУ дека се однесуваме европски, туку заради тоа што знаеме дека македонските граѓани се европјани и очекуваат од нас европски стандарди, нагласи министерката за одбрана.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина