Северна Кореја се заканува дека ќе пука без предупредување
Северна Кореја денеска ја предупреди Јужна Кореја дека ќе изврши „немилосрдни одмазнички напади“ ако нејзини бродови влезат „само 0,001 милиметар“ во спорните води на Жолто Море.
Изминатите денови јужнокорејската армија упати предупредувачки истрели кон севернокорејските бродови кои пловеа во близина на спорната морска граница меѓу двете држави.
Во соопштението на Генералштабот на севернокорејската армија се наведува дека тие во иднина ќе пукаат без предупредување на секој јужнокорејски брод кој малку би навлегол во спорните води на Жолто Море.
Армијата на Северна Кореја исто така ги повика властите во Сеул да се извинат за воената провокација.
Пјонгјанг последните недели бара од Сеул да го прифати барањето на севернокорејскиот лидер Кин Џонг-ун за воени преговори. Но, јужнокорејските власти ја одбија понудата образложувајќи дека Пјонгјанг прво треба да преземе конкретен чекор за укинување на програмата за развој на нуклеарното оружје.
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто