Сенатори во САД бараат санкции поради политичките затвореници во Русија
Група американски сенатори меѓу кои републиканецот Марко Рубио и демократот Бен Кардин, испрати писмо до државниот секретар Мајк Помпео и министерот за финансии Стивен Мнучин, со повик да воведат ограничувачки мерки против Русија поради најновите репресии врз руската опозиција.
Сенаторите повикуваат примена на Законот Магнитски и воведување санкции против руски чиновници одговорни за кршење на човековите права во земјата. Законодавците ја цитираат руската невладина организација „Меморијал“ според која во Русија во 2015 година биле затворени повеќе од 200 лица поради своите политички погледи. При што бројката е конзервативна, оттогаш до денес бројот на политички репресираните граѓани е зголемен, велат сенаторите.
- Помеѓу политичките затвореници во Русија се мирни демонстранти, граѓански активисти, борци за човекови права, новинари, кримски Татари, членови на „непожелни“ политички организации, или религиозни групи, наведуваат сенаторите во писмото испратено синоќа.
Се споменуваат такви затвореници како Алексеј Пичугин кој е веќе 16 години во затвор по случајот со нафтената компанија „Јукос“, или Константин Котов, кој поради учество на мирни протести неодамна беше осуден на четиригодишна казна затвор.
– Сите репресирани имаат различни позадина и потекло, но ги обединува фактот дека се неправедно лишени од слобода од авторитарниот режим на Владимир Путин, се вели во писмото.
Сенаторите наведуваат дека многу руски чиновници се во списокот на санкции воведни врз основа на Законот Магнитски, но дека има многу лица кои се уште не се засегнати, како на пример државниот обвинител Јуриј Чајка, министерот за правда Александар Коновалев и Генадиј Корниенко, раководител на руската Федерална служба за казнено-поправни дела.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација