Семинар за билатерални прашања во рамките на Берлинскиот процес за Западен Балкан
Во организација на Министерството за надворешни работи денеска се одржува вториот последователен Семинар за билатерални прашања во рамки на Берлинскиот процес, по минатогодишниот семинар во Виена.
– Сите ние во нашиот регион, ги споделуваме бенефитите од решавањето на отворените прашања, но заеднички ги трпиме и последиците од нивното нерешавање или ескалација. Притоа аголот на перцепција најчесто е двостран: како ние од регионот гледаме на самите себе и како Брисел гледа на нас. Нашата перспектива треба да биде водена од фактот дека добрите вести за еден се добри вести за сите, и помагаат за подобрување на имиџот на регионот во целина. Гледиштето на Брисел мора да поаѓа од потребата за одржување реалистична и дофатлива ЕУ перспектива за регионот, како исклучително важен поттик во решавањето на билатералните прашања. Договорите со Бугарија и Грција претставуваа токму тоа, рече на отворањето на семинарот министерот за надворешни работи, Никола Димитров.
Со голема посветеност и визија за иднината, посочи, успеавме да дојдеме до едно историско помирување и да создадеме „домашни“ добри вести, европски успех што потекнува од нашиот регион – мала Европа на Западниот Балкан.
Семинарите на високо ниво се предвидени во Декларациите за добрососедски односи усвоени на Самитите на Берлинскиот процес во Виена и Лондон, а учествуваат претставници од земјите од Западен Балкан и од ЕУ членки вклучени во Берлинскиот процес, Службата за надворешни работи на Европската Унија, Европската комисија и претставници на невладини организации, наведуваат од МНР.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност