Се вика Симба а доби прекар Дамбо - јаре со уши долги над еден метар се роди во Пакистан
Нубиско јаре стана хит на интернет и освои многу срца поради неговиот необичен изглед – тоа има екстремно долги уши, поради кои го доби и прекарот „Дамбо“… Се работи за младенче на тнр. нубиска коза, а на светот дојде со необични уши кои му се влечат по под од самото раѓање, и не престануваат да растат. Сега се долги вкупно 116 сантиметри.
Јарето е родено во Пакистан, а неговиот сопственик Мухамед Хасан не крие дека е изненаден што го има. Му го дал името „Симба“, а тврди дека јарето е сосем здраво и дека нема никакви проблеми. Како што рече сточарот, јарето старо околу две недели веќе ги освоило срцата на мештаните и се надева дека ќе го запише во Гинисовата книга, каде што сѐ уште нема рекорд за коза со најдолги уши.
Инаку, сите нубиски кози имаат подолги уши во споредба со другите кози и им помагаат да се справат со топлите температури на тие подрачја.
Пакистан е трета земја во светот по бројот на кози, каде што се одгледуваат главно за месо и млеко. Нубиските кози имаат висококвалитетно млеко со маснотии што може да се пие или да се користи за правење јогурт, сладолед, сирење и путер.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка