Се уредува црквата „Свети Атанасиј“ во населбата Оризари, Кочанско
Во црквата „Свети Атанасиј“ во населбата Оризари, која е една од најстарите во кочанско, продолжува уредувањето и фрескосликањето на внатрешниот дел.
Во првата фаза од обновата на црквата целосно е сменета фасадата, поплочен е дворот и започнато е со фрескосликањето на страничниот дел од внатрешноста на црквата.
- Продолжуваме со реновирање на просторот околу црквата. Во рамки на втората фаза старите и веќе во распаѓање потпорни ѕидови околу црквата, ќе ги обновиме целосно, а од западната страна, од кај Оризарска река, со чистењето на просторот од грмушки и дрвја ќе направиме влез до самата црква, изјави Марјанчо Иванов, член на Црковниот одбор од Оризари.
Тој додава дека ќе продолжи и фрескосликањето на внатрешниот дел на црквата до нејзино целосно завршување за што има интерес за донирање на икони од иселеници од Оризари кои живеат или се на привремена работа во европските држави и во Австралија.
Црквата посветена на „Свети Атанасиј“ е градена во 1848 година, потоа е делумно разрушена за повторно да биде изградена 1876 година, а фрескоживописана во таванскиот дел од страна на тајфата на Исаија Макарович од селото Гари. Од 55-те икони колку што има во црквата, 17 се наоѓаат во регистарот на икони на Заводот за заштита на спомениците на културата во Македонија.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.