Се санираат последиците од невремето во Велес и населбата Превалец
Припадници на Територијалната противпожарна единица – Велес (ТППЕ), екипи на ЕВН и ЈКП Дервен се на терен и ги расчистуваат наносите од песок и земја по улиците, како и од другите оштетени делови во погодените подрачја.
Комисии за проценка на штети на индивидуални имоти и објекти во текот на денешниот ден извршија увид, а ќе продолжат и во текот на утрешниот ден, по што ќе следи соодветна интервенција за санирање на штетите, информира градоначалникот Аце Коцевски попладнево на прес конференција.
Toj потенцира дека невремето со поројни дождови и поплави во саботата вечер во населбата Превалец и Велес е е најголемо од невремето што се случи во 1974 година.
-Ова е најголемата поплава што ја погодила Општина Велес, по онаа од 1974 година”, истакна Коцевски. Штетите, наведе, се утврдуваат и како ќе пријавуваат граѓаните така ќе интервенираме на лице место.
Изрази загриженост и за настанатите штети на повеќе куќи, карактеристични по својата архитектура и градба од велешкото поднебје кои се заштитени со закон и прогласени за споменици на културата.
Информира дека по завршување на проценката на штета ќе биде обезбедена и соодветна финансиска помош за дел од погодените од невремето според законските можности кои одредуваат колкава финансиска помош може да додели.
-Што е до нас ние ги преземавме соодветните мерки за да ги заштитиме граѓаните за да биде гарантирана безбедноста на минувачите покрај овие куќи и ги известивме надлежните државни органи да превземат соодветни мерки за санирање на последиците,појасни Коцевски.
Невремето предизвика големи оштетувања на повеќе улици, како во населбата Превалец, така и во околните места, а под мостот во населба Превалец насукани се дрвја и гранки кои ќе бидат расчистени во текот на утрешниот ден. Оштетени се околу 200 метри од фекалната канализација во населбата која се наоѓа над мостот, а која беше изградена минатата година и беа вложени околу 800 илјади денари.
-За неа бараме техничко решение како да биде решен проблемот за да повторно не биде однесена од некој нов поплавен бран, информира Коцевски.
Градоначалникот Коцевски ја потенцираше мудрата одлука на раководството на ЈПВ „Лисиче“ кои одлучиле во вечерните часови на 8 август да не ја испуштаат водата од акумулацијата, па поради тоа водата од поројните дождови била задржана и не придонела да настанат поголеми штети.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово