Се реконструира улицата „Стамен Манов“ во ромското маало во Кочани
Согласно општинската програма за изградба и реконструкција на улици, денеска во Кочани започна реконструкцијата на улицата „Стамен Манов“ во Ромското маало.
Целокупната инвестиција за овој зафат изнесува околу 1.700.000 денари, средствата обезбедени од Владата, преку програмата за финансирање „Декада на Ромите“, како и од буџетот на општина Кочани.
Градоначалникот на Кочани Ратко Димитровски појасни дека за почеток се вршат подготовки за корекција на водоводната и кализационата мрежа, за потоа да се пристапи кон целосна реконструкција на улицата.
- Според динамиката на работите се очекува реконструкцијата да заврши до крајот на овој месец. Паралелно ќе се работи на отстранување на тесните грла на улицата, а ќе се интервенира и во делот на приодите за атмосферска канализација, за да на крај се стави и нов слој асфалт со дебелина од 5 сантиметри, изјави Димитровски.
Во септември минатата година еден крак од улицата „Стамен Манов’ доби асфалт во должина од 150 метри и широчина од 5 метри. Со тоа, се овозможи поврзување со кракот 1 од истата улица што води кон месноста Колерски гробишта.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца