Се одржаа петтите Горно - рекански средби
Со прикажување на дел од свадбарските обичаи, во селото Рибница, во општина Маврово-Ростуше, попладнево завршија петтите Горно-рекански средби.
На завршната манифестација во дворот на некогашното училиште во селото Рибница, иселеници, печалбари и малубројните мештани се потсетија на традицијата и животот на нивните предци низ неколкучасовна програма.
Членови на „Друштвото за култура Горна Река“ во колоритната носија и во придружба на оркестар со традционални инструменти низ песна и ора претставија дел од фолклорот на Албанците од регионот на Горна Река.
- Посакуваме да доаѓате почесто во родниот крај и огништето на вашите предци и да продолжите во негувањето на нивната традиција, а оваа манифестација да стане туристичка атракција и за развој на овој крај, рече Медат Куртовски, градоначалник на општина Маврово-Ростуше.
На завршната манифестација настапија неколку реномирани изведувачи на албанската традиционална музика и фолкористите од КУД „Дрита е Дервенит“ од Скопје
На посетителите им беа прикажани и неколку спортски игри, како фрлање камен, влечење јаже и борби на пеливани. За гостите и посетителите беше организран ручек со традционална јанија и алва приготвена во големи казани.
Организаторот „Друштвото за култура Горна Река“ додели признанија и плакети на заслужни лица, кои помогнале во промоцијата на манифестацијата и реканскиот крај.
Изминативе денови во рамки на манифестацијата беше организиран планинарски марш и турнир во мал фудбал.
Регионот на Горна Река во кој има 22 села, е еден од најслабо населените во земјава и во него постојано живеат педесетина семејства. Иселувањето од овој планински регион по долината на Радика било интензивно во шеесетите и седумдесетите години од минатиот век.
Ново на Сител
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција