Се намалува бројот на заболени од грип во Кавадарци и Росоман
Се намалува бројот на заболени од грип во Кавадарци и Росоман. Доктор Ристе Јовановски, епидемиолог при кавадаречкиот Центар за јавно здравје, денеска информираше дека последнава седмица биле регистрирани 507 новозаболени.
- Ако се има во предвид дека претходно во една седмица имавме евидентирано и до 1.024 грипозни, може да се заклучи дека грипот стагнира во овие две општини, нагласи Јовановски.
Тој рече дека од почетокот на сезоната за грип досега, во Центарот имаат пријавено 2.691 лице заболено од ова вирусно заболување.
Тоа, според него, не е најреалната бројка на инфицирани од грип, бидејќи некои од заболените се лекуваат во домашни услови и не посетуваат матичен лекар. Токму матичните доктори, посочи, ги пријавуваат бројките на грипозни во Центарот за јавно здравје.
Јовановски потсети на превентивните мерки кои треба да се преземат за да се избегне вирусот на грип и даде препораки за заболените.
Ново на Сител
-
Возилото и три женски тела извлечени од Вардар | ВИДЕО
-
Убиството во Тетово се случило пред два дена - таткото од тогаш не го напуштил станот
-
Автомобилот и три мртви тела извлечени од Вардар
-
Д-р Јовчески за Сител: Состојбата на четиригодишното дете после сообраќајката е стабилна
-
Убиство во Тетово: Татко си го убил синот
-
Автомобил излета во Вардар на патот Рашче - Сарај, нуркачи трагаат по 4 лица
-
Мицкоски изрази сочувство за трагедијата во Цетиње
-
Велес: Возило излетало од патот и заглавило во канал, полесно повредено едно лице