Се менуваат старите водомери во домаќинствата во Неготино
Покрај неколкуте проекти со кои се подобрува водоснабдувањето во општина Неготино, се заменуваат и старите водомери во домаќинствата со нови автоматизирани, а истовремено се инсталираат таму каде што воопшто ги нема и се откриваат дивоприклучените во водоснабдителниот систем, информира градоначалникот Ванчо Апостолов.
- Со единствена цел за мерење на реалната потрошувачка на водата за пиење, работници на ЈП „Комуналец“ се присутни на терен и се ангажирани околу замена на старите со нови автоматизирани водомери. Приоритет е даден на семејствата кои живеат во колективни згради и кај корисниците кои досега плаќале паушално, изјави денеска градоначалнико Апостолов.
Тој посочи дека водомери се поставуваат и во селата Пепелиште и Тремник, паралелно се преземаат активности за откривање на дивоприклучени семејства на водоводниот систем кои трошат вода, а не добиваат сметки за тоа.
- Ја следиме и ја применуваме најосновната пазарна логика дека секој што троши нешто, за тоа треба и да плати, како што впрочем тоа го прават и грото од нивните сограѓани, додава Апостолов.
Тој потсети на проектот „Хидраулично регулирање на притисокот на водата за пиење“ кој веднаш по неговата имплементација, како што вели, ги даде очекуваните резултати бидејќи се намалени загубите на водата за пиење. Ги нагласи и проектите за замена на старите цевки од водоводниот систем со нови и изградба на два резервоара за вода со кои во иднина исто така ќе се подобрува водоснабдувањето во Неготино.
Ново на Сител
-
До 13 часот во Куманово одѕивот 23 проценти, во Липково 16, во Старо Нагоричане 22
-
Излезноста во Струга до 13 часот 16 отсто, во Вевчани 33 проценти
-
Им ветувале бесплатни водомери за да гласаат во нивно својство, пријавен случај на поткуп
-
До 13 часот во Прилеп гласале 31,41 отсто од граѓаните со право на глас
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто
-
Штипјанец и скопјанка ги фотографирале гласачките ливчиња