Македонија
12. February 2020 - 12:25

Се чисти регионалниот пат од Македонска Каменица кон село Саса

Во Македонска Каменица се чисти регионалниот пат кон село Саса. Акцијата ја спроведува каменичкото комунално претпријатие од каде информираа дека во истата покрај вработени била вклучена и градежна механизација.

- Јавното претпријатие „Камена Река” реализираше еко акција за чистење на просторот околу регионалниот пат од Македонска Каменица кон село Саса. Ова е една од многуте акции преку која вработените во ЈП Камена Река покажуваат одговорност кон зачувување на чистата околина и борба против загадувањето на истата, информираа од претпријатието.
 
Додадоа дека вакви акции се планирани и за наредниот период.
 
- Како претпријатие задолжено за јавната чистота и комунална хигиена во општина Македонска Каменица, во зависност од временските услови, најавуваме спроведување на повеќе редовни еко акции на повеќе локации во Општината, во кои покрај крупната механизација, редовно ќе бидат вклучат и сите вработени во организацијата, додадоа каменичките комуналци.
 
Претходно во слична акција екипи на претпријатието го расчистуваа излезот кон општините Делчево и Кочани.