Македонија
31. August 2017 - 14:06

СДСМ: Здравството беше во хаос поради криминалните тендери на ВМРО-ДПМНЕ

СДСМ во денешната пишана реакција на прес-конференцијата на Дафина Стојаноска од ВМРО-ДПМНЕ наведува дека здравството беше во хаос поради криминалните тендери на ВМРО-ДПМНЕ.

- Ниту една лицемерна изјава или соопштение на ВМРО-ДПМНЕ не може да го сокрие хаосот што таа партија го остави во здравството. Единаесетгодишното расипничко и криминално владеење на ВМРО-ДПМНЕ го урниса здравствениот систем. Додека поединци од ВМРО-ДПМНЕ се богатеа од криминални тендери, болниците и клиниките се распаѓаа и тонеа во долгови, редовно недостасуваа лекови и опрема, правата на пациентите се погазуваа, а илјадници лекари неможејќи да работат во нехумани услови, трајно го напуштија јавното здравство и државата, велат од СДСМ.

За разлика од таквиот нехуман пристап на ВМРО-ДПМНЕ, Владата предводена од СДСМ, како што истакнуваат во соопштението, ги надминува напластените проблеми, ги враќа долговите и го унапредува здравствениот систем во интерес на сите граѓани.