СДСМ: Опозицијата во Собранието работи против интересите на граѓаните и државата
Опозицијата во Собранието продолжува свесно и намерно да кочи и да блокира закони на штета на граѓаните и на државата.
Пратениците од ВМРО-ДПМНЕ, Левица и Алијанса отворено покажуваат дека не им е грижа што илјадници граѓани не можат да добијат државна помош како резултат на нивните деструктивни блокади. Некои пратеници бесрамно и безобразно им порачуваат на граѓаните да се стрпеле некој месец без плата.
Опозицијата, предводена од ВМРО-ДПМНЕ ги кочи и блокира Законот за административни службеници, Законот за високо образование, Законот за внатрешни работи, Законот за работни односи, измените и дополнувањата на Законот за здравствена заштита, Законот за културно наследство, Законот за нов Клинички центар.
Го кочат и Законот со кој треба да се обезбедат средства за реализација на бас рапид транзит, односно за воведување на нов, еколошки и ефикасен систем на јавен превоз во Скопје.
На опозициските пратеници не им е важен развојот на Скопје, ниту заштитата на животната средина, ниту пак јавниот сообраќај во главниот град.
Не постојат логични објаснувања зошто опозициските пратеници се против корисни закони освен фактот дека не сакаат Собранието да функционира и со тоа директно работат на штета врз граѓаните и државата.
Ваквиот деструктивен однос на опозицијата во Собранието е препознаен од граѓаните и затоа повторно ќе ги казнат на изборите на есен.
Центар за комуникации со јавноста на СДСМ
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари