Македонија
19. February 2020 - 18:11

СДСМ: Николовски призна дека ВМРО-ДПМНЕ се подготвува да остане опозиција и во следните 4 години

Со ставовите за функционирањето на преодната влада, Александар Николовски призна дека неговата партија се подготвува да остане во опозиција и во следните четири години.

Извршителот Христијан Мицкоски и ВМРО-ДПМНЕ го бранеа криминалот и се обидуваа да го блокираат напредокот и затоа остануваат во опозиција.

Единствена функција и единствен мандат на сите членови во преодната влада е да обезбедат почитување на законите и организирање фер, слободни и демократски избори. Нивен мандат не е да ја злоупотребуваат функцијата за лични и партиски цели како што тоа го правеше Рашела Мизрахи, ниту да покажуваат што значи враќање на режимот, како што тоа го правеше Цветан Трипуновски.

Со таквото однесување на нивните кадри, ВМРО-ДПМНЕ останува во опозиција и по 12 април и за тоа се свесни и во белиот дворец.

Граѓаните на 12 април уште еднаш ќе потврдат дека сме на прав пат и ќе порачаат режим никогаш повеќе.